15 აპრილის 14.00 საათზე თბილისის ნონა გაფრინდაშვილის სახელობის სასახლეში შედგება საქართველოს ოლიმპიური ნაკრების ლიდერის, ბაადურ ჯობავას შეხვედრა წარმატებულ მოზარდ მოჭადრაკეებთან.
ერთდრული თამაშის სეანსში დიდოსტატს თბილისის საერთაშორისო საჭადრაკო აკადემიის მოსწავლეები: ნიკა კაჭარავა, ნიკა კევლიშვილი, შოთა ხოდაშნელი, ილია კავკასიძე, ანასტასია სიდამონიძე და კატო ფიფია დაუპირისპირდებიან.
თამაშების ჩვენება იწარმოებს პირდაპირ რეჟიმში საქართველოს ჭადრაკის ფედერაციის ოფიციალურ ვებგვერდზე.
