ინგლისის ჩემპიონატის 32-ტურის პირველმა სათამაშო დღემ საინტერესოდ წარიმართა. ლონდონის “არსენალმა” უფრო გაიმყარა ოთხეულში ადგილი, იყოჩაღეს პრემიერლიგაში დარჩენისთვის მებრძოლმა კლუბებმა “ასტონ ვილამ” და “ლესტერმა”, რომლებმაც რთული საგარეო გამარჯვებები იზეიმეს, თუმცა განსაკუთრებულ აღნიშვნას მოითხოვს “კრისტალ პალასის” შესანიშნავი თამაში.

“არწივები” გასვლაზე გასავარდნი ზონის სიახლოს მყოფ “სანდერლენდს” დაუპირისპირდნენ, რომელსაც ქულები ძალიან სჭირდება, თუმცა დღევანდელ შეხვედრაში უშანსოდ დამარცხდნენ. საოცარი შეხვედრა ჩაატარა იენიკ ბოლასიმ, რომელმაც ჰეთ-თრიკი შეასრულა და საგოლე გადაცემა მიითვალა. ანგარიში 48-ე წუთზე მურეიმ გახსნა, ხოლო ბოლასიმ 11 წუთიან მონაკვეთში სამი გოლის გატანა მოახერხა. პრესტიჟის გოლის გატანა ვიკჰემმა 90-ე წუთზე მოახერხა – 1:4. ლონდონურმა კლუბმა ზედიზედ მე-4 შეხვედრა მოიგო და მე-11 ადგილზე დამკვიდრდა. ალან პარდიუს კლუბში მოსვლის შემდეგ “პალასმა” საოცრად მოუმატა. პარდიუს მოსვლისას ლონდონელთა მიზანი პრემიერლიგაში დარჩენა გახლდათ, ახლა კი ”არწივები” გასვარდნ ზონას 16 ქულით უსწრებენ და ბოლო 10 მატჩის მიხედვით ხუთეულში იმყოფებიან (6 მოგება, 1 ფრე და 3 წაგება).

ლონდონის “არსენალი” “ტურფ მურის” ეწვია და აარონ რემსის გოლის წყალობით “ბარნლის” დამარცხება მოახერხა, რითაც მეორე ადგილი შეინარჩუნა და “ჩელსისთან” სხვაობა 4 ქულამდე შეამცირა, თუმცა “არისტოკრატებს” ორი მატჩი თადარიგში აქვთ.

სამაგიეროდ, შერცხვა “არსენალის” მოსისხლე მტერი “ტოტენჰემი”, რომელიც შინ პრემიერლიგაში დარჩენისთვის მებრძოლ “ასტონ ვილას” დაუპირისპირდა და მოულოდნელად დამარცხდა. ერთადერთი გოლი 35-ე წუთზე კრისტიან ბენტეკემ გაიტანა. “ტოტენჰემმა” ოთხეულში მოხვედრაზე ოცნება საბოლოოდ შეწყვიტა, ხოლო “ასტონ ვილა” სახიფათო ზონას 6 ქულით მოცილდა.

“ტოტენჰემის” წაგებით ისარგებლა “საუთჰემპტონმა” და ევროპა ლიგის ზონას დაუბრუნდა. “წმინდანებმა” შინ “ჰალი” მიიღეს და მეორე ნახევარში გატეხეს. გოლები ჯეიმს უარდ-პროუსმა და გრაციანო პელემ გაიტანეს.

ზედიზედ მეორე შეხვედრა მოიგო ბოლო ადგილოსანმა “ლესტერმა” და პრემიერლიგაში დარჩენის შანსები დაიბრუნა, ხოლო “ლიბერთი სთედიუმზე” და “ბოლეინ გრაუნდზე” გამართული მატჩები ფრედ დასრულდა.

სუონსი – ევერტონი 1:1 (0:1)

სუონსი, “ლიბერთი სთედიუმი”

სუონსი (4-2-3-1): ფაბიანსკი, ფერნანდესი, უილიამსი, ნ.ტეილორი, რანხელი, კი, კორკი, შელვი (დაიერი 84), სიგურდსონი, გომისი (ემნსი 17), რუტლიჯი.
მწვრთნელი: გარი მონკი

ევერტონი (4-1-4-1): ჰოვარდი, სტოუნზი, იაგიელკა, კოულმენი, ბეინსი, ბერი, ბარკლი (მირალაში 86), მაკკარტი, ლენონი, ოსმანი (პიენაარი 28), კონე (ნეისმიტი 76).
მწვრთნელი: რობერტო მარტინესი

გოლები: 0:1 ლენონი (41), 1:1 შელვი (69 პენ).
გაფრთხილებები: ნ.ტეილორი, ემნსი, უილიამსი – კონე, ჰოვარდი, ლენონი
მსაჯი: მაიკლ ოლივერი
ბურთის ფლობა: 51%-49%, დარტყმა: 11(3)-12(8), ჯარიმა: 18-12, კუთხური: 3-6, თამაშგარე: 2-1, სეივი: 7-2

საუთჰემპტონი – ჰალი 2:0 (0:0)

საუთჰემპტონი, “სენტ-მერი სთედიუმი”

საუთჰემპტონი (4-2-3-1): კ.დევისი, ფონტე, იოშიდა, ბერტრანი, ალდერვეირელდი, ვანიამა (უარდ-პროუსი 46), შნედერლენი, ს.დევისი, ლონგი (ელია 74), მანე (ტადიჩი 61), პელე.
მწვრთნელი: რონალდ კუმანი

ჰალი (4-4-2): ჰარპერი, ბრიუსი, დოუსონი, მაკშეინი, ჩესტერი (დიამე 64), ლივერმორი, ჰადლსტოუნი (საგბო 64), ქუინი, ელმოჰამედი, ალუკო (ა.ერნანდესი 84), ნ’დოიე.
მწვრთნელი: სტივ ბრიუსი

გოლები: 1:0 უარდ-პროუსი (56 პენ), 2:0 პელე (81).
გაფრთხილებები: პელე, ვანიამა
მსაჯი: კევინ ფრენდი
ბურთის ფლობა: 53%-47%, დარტყმა: 9(4)-14(3), ჯარიმა: 7-11, კუთხური: 2-5, თამაშგარე: 2-0, სეივი: 3-2

სანდერლენდი – კრისტალ პალასი 1:4 (0:0)

სანდერლენდი, “ლაით ოფ სთედიუმი”

სანდერლენდი (4-3-3): პანტელიმონი, ვერჯინი, ოში, ჯონსი, ვან აანჰოლტი, კატერმოლი (ბრიდკუტი 65), ხ.გომესი (ჯონსონი 59), როდუელი, ვიკჰემი, ს.ფლეტჩერი, დეფო.
მწვრთნელი: დიკ ადვოკაატი

კრისტალ პალასი (4-4-1-1): სპერონი, დელანი, დანი, სუარე (კელი 35), იარდი, იედინაკი, მაკარტური (ლედლი 69), პანჩონი, ზაჰა, მურეი, ბოლასი (სანოგო 71).
მწვრთნელი: ალან პარდიუ

გოლები: 0:1 მურეი (48), 0:2;0:3;0:4 ბოლასი (51;53;62), 1:4 ვიკჰემი (90).
გაფრთხილებები: როდუელი, კატერმოლი – დანი, მაკარტური
მსაჯი: ენტონი ტეილორი
ბურთის ფლობა: 54%-46%, დარტყმა: 12(3)-14(5), ჯარიმა: 15-17, კუთხური: 8-4, თამაშგარე: 0-0, სეივი: 1-2

ტოტენჰემი – ასტონ ვილა 0:1 (0:1)

ლონდონი, “უაით ჰართ ლეინი”

ტოტენჰემი (4-2-3-1): ვორმი, ფასიო, დაიერი, როუზი, კირიკეში (იედლინი 79), მეისონი, ბენტალები, ჩადლი (სოლდადო 62), თაუნსენდი (ლამელა 79), ერიკსენი, კეინი.
მწვრთნელი: მაურისიო პოჩეტინო

ასტონ ვილა (4-3-3): გუზანი, კლარკი (ბეიკერი 18), ვლაარი, ბაკუნა, რიჩარდსონი, სანჩესი, დელფი, კლევერლი, გრელიში (ვაიმანი 63), აბონლაჰორი (ჯ.კოული 70), ბენტეკე.
მწვრთნელი: ტიმ შერვუდი

გოლი: ბენტეკე 35.
გაფრთხილებები: ბენტალები, როუზი, ლამელა – სანჩესი, ბენტეკე, რიჩარდსონი
გაძევება: სანჩესი 94.
მსაჯი: ლი პრობერტიL
ბურთის ფლობა: 58%-42%, დარტყმა: 14(3)-10(3), ჯარიმა: 11-12, კუთხური: 9-6, თამაშგარე: 5-2, სეივი: 2-3

ვესტ ბრომვიჩი – ლესტერი 2:3 (2:1)

ვესტ ბრომვიჩი, “ჰაუტორნსი”

ვესტ ბრომვიჩი (4-4-2): მაიჰილი, ლესკოტი, მაკოლი, ბრანტი, დოუსონი, დ.ფლეტჩერი, იაკობი, მორისონი (სესენიონი 85), გარდნერი (ოლსონი 73), ბრაუნი (ანიჩებე 60), ბერაჰინო.
მწვრთნელი: ტონი პულისი

ლესტერი (4-4-1-1): შმეიხელი, ჰუტი, მორგანი, შლუპი, დე ლაეტი (ვასილევსკი 46), ჯეიმსი (კინგი 60), კამბიასო, ვარდი, ოლბრაიტონი, ნუჯენტი, ულოა (მაჰრეზი 64).
მწვრთნელი: ნაიჯელ პირსონი

გოლები: 1:0 დ.ფლეტჩერი (8), 1:1 ნუჯენტი (20), 2:1 გარდნერი (26), 2:2 ჰუტი (80), 2:3 ვარდი (91).
გაფრთხილებები: გარდნერი, დ.ფლეტჩერი – ოლბრაიტონი, ჰუტი
მსაჯი: მარტინ ატკინსონი
ბურთის ფლობა: 44%-56%, დარტყმა: 8(5)-12(4), ჯარიმა: 15-15, კუთხური: 4-6, თამაშგარე: 0-3, სეივი: 1-3

ვესტ ჰემი – სტოკი 1:1 (1:0)

ლონდონი, “ბოლეინ გრაუნდი”

ვესტ ჰემი (4-3-1-2): ადრიანი, რიდი, კოლინსი, კრესველი, ჯენკინსონი, სონგი (ნოლანი 68), ნობლი, კუაიტე, დაუნინგი, ვალენსია (ამალფიტანო 78), სახო (კ.კოული 59).
მწვრთნელი: სემი ელარდაისი

სტოკი (4-2-3-1): ბეგოვიჩი, შოუკროსი, ვოლშაიდი, უილსონი (პიტერსი 79), კამერონი, ნ’ზონზი, ველანი (აირლანდი 67), მოზესი (დიუფი 44), ადამი, არნაუტოვიჩი, უოლტერსი.
მწვრთნელი: მარკ ჰიუზი

გოლები: 1:0 კრესველი (7), 1:1 არნაუტოვიჩი (95).
გაფრთხილებები: კოლინსი, ნოლანი, კ.კოული – პიტერსი
მსაჯი: როჯერ ისტი
ბურთის ფლობა: 34%-66%, დარტყმა: 11(3)-18(2), ჯარიმა: 17-13, კუთხური: 4-10, თამაშგარე: 2-4, სეივი: 1-2

ბარნლი – არსენალი 0:1 (0:1)

ბარნლი, “ტურფ მური”

ბარნლი (4-4-2): ჰიტონი, შაკელი, დაფი, მი, ტრაიპერი, ჯონსი (მ.ტეილორი 93), არფილდი, ბოიდი, ბარნსი, ვოკსი, ინგსი.
მწვრთნელი: სეან რიჩი

არსენალი (4-2-3-1): ოსპინა, კოშელნი, მერტესაკერი, ბელერინი, მონრეალი, კასორლა, კოკლენი, რემსი, ოზილი, სანჩესი (ჩემბერსი 93), ჟირუ (უელბეკი 82).
მწვრთნელი: არსენ ვენგერი

გოლი: რემსი 12.
გაფრთხილებები: მი, დაფი
მსაჯი: მაიკლ დინი
ბურთის ფლობა: 31%-69%, დარტყმა: 8(4)-17(5), ჯარიმა: 14-6, კუთხური: 1-6, თამაშგარე: 3-2, სეივი: 4-4