ქართველი და ბელარუსი ჩოგბურთელები ნიკოლოზ ბასილაშვილი და ალექსანდერ ბური იტალიის ქალაქ ნეაპოლში მიმდინარე ჩელენჯერის (საპრიზო ფონდი 106 500 ევრო) ფინალში დამარცხდნენ.

ბასილაშვილი და ბური გადამწყვეტ მატჩში სერბებს – ილია ბოზოლიაცს და ფილიპ კრაინოვიჩს გაეჯიბრნენ და 42 წუთში 1:6, 2:6 წააგეს.

ქართველ და ბელარუს ჩოგბურთელებს 75-75 სარეიტინგო ქულა ერგოთ. შეგახსენებთ, რომ ნიკოლოზმა ერთეულთა ტურნირის მეოთხედფინალში გასვლაც მოახერხა, რისი წყალობითაც მომავალ რეიტინგში, სავარაუდოდ, 133-ე ადგილზე გადაინაცვლებს.