იტალიის სერია A-ს XXIX ტურის ცენტრალურ მატჩში "რომამ" "ნაპოლის" უმასპინძლა. შეხვედრის 25-ე წუთზე ანგარიში მასპინძელთა ბოსნიელმა ნახევარმცველმა მირალემ პიანიჩმა გახსნა, რომელმაც გოლი თავისი გუნდის ქომაგების მისამართით ემოციურად აღნიშნა.
მომხდარი ფაქტი პიანიჩმა მატჩის შესვენებისას შემდეგნაირად განმარტა:
"ეს ჟესტი მათ მიმართ იყო, ვინც ჩემზე ბევრს ლაპარაკობს და თანაც ცუდად. მათ შორის ჟურნალისტებიც არიან", - დასძინა პიანიჩმა.
"რომასა " და "ნაპოლის" აღნიშნული დაპირისპირება "ჯალოროსიმ" სწორედ პიანიჩის გოლით მოიგო.
