ხორვატმა სპეციალისტმა სლავენ ბილიჩმა უარყო გავრცელებული ინფორმაცია, თითქოს მოღვაწეობის გაგრძელებას “ნისლიან ალბიონზე” აპირებს.
“ბოლო დროს პრესაში გაჩნდა ცნობა იმასთან დაკავშირებით, რომ ინგლისში გამგზავრებას და პრემიერლიგის ერთ-ერთ კლუბში მუშაობის დაწყებას ვაპირებ. მაგრამ “ბეშიქთაშის” მთავარი მწვრთნელი ვარ და ამით ძლიერ ვამაყობ. სხვა ყველაფერი უბრალოდ ჭორია” - განუცხადა 46 წლის ხორვატმა Beşiktaş Magazine-ს.
სლავენს “შავ არწივებთან” მოქმედი კონტრაქტი 2016 წლის ზაფხულამდე აკავშირებს. შეგახსენებთ, რომ ფეხბურთელობისას ბილიჩი ინგლისში “ვესტ ჰემსა” და “ევერტონში” თამაშობდა.
