ესპანური მედიის ინფორმაციით, ესპანეთის ეროვნული ნაკრების და “ნაპოლის” შემტევი ხოსე კალეხონი მომდევნო სეზონიდან კარიერას მადრიდის “ატლეტიკოში” გააგრძელებს. აღნიშნულ ცნობას იტალიელები მალევე გამოეხმაურნენ და როგორც კლუბის ოფიციალური ვებგვერდი იტყობინება, კალეხონთან დაკავშირებული ამბები სიცრუეა.

მიმდინარე სეზონში კალეხონმა ყველა საკლუბო ტურნირზე ჯამში 44 შეხვედრა ჩაატარა, გატანა 9 გოლი და 3 საგოლე გადაცემაც შეასრულა. ამავდროულად, სწორედ მიმდინარე სეზონში ჰქონდა ესპანელს “ფურია როხას” რიგებში დებიუტი.

ხოსეს ნეაპოლელებთან კონტრაქტი 2018 წლის ივლისამდე აკავშირებს. ფეხბურთელის სატრანსფერო ღირებულება 25 მილიონ ევროს შეადგენს.