ქართველმა ჩოგბურთელმა მარიამ ბოლქვაძემ ეგვიპტის ქალაქ შარმ ელ შეიხში მიმდინარე საერთაშორისო ტურნირის (საპრიზო ფონდი 10 ათასი დოლარი) ნახევარფინალში გააღწია.

ბოლქვაძემ პირველ ნომრად განთესილ უკრაინელ ვერონიკა კაპშაის შანსი არ დაუტოვა და მეტოქე 6:2, 6:1 დაამარცხა. ფინალის საგზურისთვის მარიამი მე-8 რეიტინგის მქონე ბულგარელ იულია ტერზისკას გაეჯიბრება, რომელმაც შვედ ბრენდა ნიუკის 6:2, 6:0 სძლია.