ლონდონის “ჩელსისა” და ჩეხეთის ნაკრების 32 წლის მეკარე პეტერ ჩეხი თავისი დღევანდელი ყოფით უკმაყოფილოა და ზაფხულში “სტემფორდ ბრიჯის” დატოვებას ეშურება.

“არ მინდა კიდევ ერთი ასეთი სეზონის გამართვა. თამაში მსურს და არა სკამზე ჯდომა. შემიძლია სეზონში 50-60 მატჩის თამაში. ცოტა ხანში დაველაპარაკები ჩემს მწვრთნელს და კლუბის ხელმძღვანელობას. ამის შემდეგ გადავწყვეტ როგორ მოვიქცე”, - ამბობს ჩეხი.

ვეტერანი მეკარით ბოლო ხანებში იტალიური “რომა” იჩენდა ინტერესს, ამჯერად კი პეტერის შეძენის მსურველ კლუბებს მადრიდის “რეალიც” დაემატა.

მიმდინარე სეზონში ჩეხი ბელგიელი ტიბო კურტუას შემცვლელ მეკარედ ითვლება და პრემიერლიგაში მხოლოდ 5 მატჩში მიიღო მონაწილეობა.