კატალონიის “ბარსელონას” პრეზიდენტის ხოსეპ მარია ბართომეუს განცხადებით, არგენტინელი ვარსკვლავი ლიონელ მესი კარიერას “ბლაუგრანას” რიგებში დაასრულებს.

ზამთრის სატრანსფერო პერიოდში მესის შესახებ ბევრი ცნობა ვრცელდებოდა. ამბობდნენ, თითქოსდა სამხრეთამერიკელი რომელიმე სხვა გუნდში გადავიდოდა.

“მესი ბარსელონაში გაიზარდა და კარიერას “ბარსელონაშივე” დაასრულებს. ვფიქრობ, მისი მიზანიც ესაა”, – განაცხადა ხოსეპმა.

მესი ესპანური გრანდის მთავარი გუნდის ღირსებას 2004 წლიდან იცავს და მას შემდეგ ყველა ტურნირზე ჩატარებულ 464 შეხვედრაში 397 გოლი გაიტანა.