გაზაფხულის გრილი საღამო იდგა, ანცი ნიავი ლაღად გაჰქროდა ბრიტანეთის ველებზე და საამოდ ელამუნებოდა ბრიტანელთა წითურ ქოჩრებსა და ჭორფლიან სიფათებს. ყველა საოცარ ხასიადზედ იდგა. მხოლოდ ერთი ადამიანი - შავად გახუხული ჯეელი იყო მოწყენილი. მას ქარათმიანი ასული უარყოფდა და კაი თელავური პანღურით ისტუმრებდა შინ.

მაგრამ დრო გავიდა, შავტუხა ბიჭი ცნობილი ინგლისელი ბურთის მაგორებელი – ჯერმეინ დეფო გახდა და ქერათმიანი გოგონაც სულ მალე მისი ცოლი გახდა და დღეს ეს წყვილი მთელს ბრიტანეთში ერთ-ერთი ყველაზე პოპულარული ცოლ-ქმარია. რამდენიმე დღის წინ მათი შუღლებიდან 7 წელი გავიდა.

ჯერმეინ დეფოს ცოლი, დანიელა დეფო დიდი სიამითა და თვალების მილულვით იხსენებს იმ დროს როდესაც შავტუხა ჯერმეინს ეუბნებოდა: ჩემს გულს (სხეულის სხვა ადგილებზე რომ არაფერი ვთქვათ) იორკშირის გორაკიდანაც კი არ დაგანახებო. ჯერმეინი კი იტანჯებოდა და ოხრავდა. ახლა ეს დრო წარსულში დარჩა და იორკშირის გორაც დავიწყებას მიეცა...