ბაქოს აზალ-ის ცენტრალური მცველი ლაშა კასრაძე ინტერნეტპორტალ azerifootball.com-ის ვერსიით აზერბაიჯანის საფეხბურთო პრემიერლიგის 25-ე ტურის სიმბოლურ ნაკრებში მოხვდა.
განვლილ ტურში აზალ-მა თავის მოედანზე “ბაქის” 2:0 აჯობა და კასრაძემ აზერბაიჯანელ ჟურნალისტებს თავი მოაწონა.
“ბევრი ფიქრობს, რომ “ბაქისთან” თამაში ადვილია. არ დაგვავიწყდეს თუ სად თამაშობს ჩემპიონატის საუკეთესო ბომბარდირი. სწორედ კასრაძემ გაანეიტრალა სწრაფი ნურლან ნოვრუზოვი და თანაგუნდელებს შეტევაში ხელ-ფეხი გაუხსნა” – იუწყება azerifootball.com-ი კასრაძის შესახებ.
