ლივერპულის ფეხბურთელმა დანიელ სტარიჯმა კლუბის მთავარი მწვრთნელის გადაწყვეტილება საჯაროდ გააკრიტიკა. ბრენდან როჯერსი ფეხბურთელს სისტემატურად თამაშის საშუალებას არ აძლევს. ამის გამო მოთამაშე უკმაყოფილოა.

“როჯერსი ცდება, როცა ფიქრობს, რომ რეგულარულად თამაში არ შემიძლია. თავს კარგად ვგრძნობ, შევძელი დაბრუნება და მზად ვარ ყოველ მატჩში მივიღო მონაწილეობა”, - აღნიშნა სტარიჯმა.

წუხელ “ლივერპულმა” საკუთარ მოედანზე 2:0 დაამარცხა “ბარნლი”. 29-ე წუთზე ჰენდერსონმა გახსნა ანგარიში, ხოლო 51-ე წუთზე ჰენდერსონის პასით სტარიჯმა გაიტანა. სტარიჯის თამაშის შესახებ პირველი გოლის ავტორმა ისაუბრა.

“ვფიქრობ, სტარიჯმა წარმატებული მატჩი ჩაატარა. ის თავისუფლად მოქმედებს მოედანზე, ბურთს კარგად იჭერს და დაუჯერებელი გადაადგილებების შესრულება შეუძლია”, - აღნიშნა ჰენდერსონმა.