ინგლისური “ლივერპული” ესპანური “ვილიარეალის” წამყვანი თავდამსხმელით ლუსიანო ვიეტოთი დაინტერესდა – იუწყება ბრიტანული გამოცემა Metro.

მიმდინარე სეზონში ახალგაზრდა ფორვარდი შესანიშნავად გამოიყურება, რამაც მის მიმართ ძლიერი კლუბებისგან ინტერესის გაზრდა გამოიწვია. “ლივერპულს” თავდამსხმის ხაზში ძალიან უჭირს და ზაფხულის სატრანსფერო პერიოდში მაღალი დონის ფორვარდის დამატებას გეგმავენ.

21 წლის არგენტინელს “ყვითელ წყალქვეშა ნავებთან” მოქმედი კონტრაქტი 2019 წლამდე აკავშირებს და მისი ღირებულება დაახლოებით 10 მილიონი ევროა.

2014/2015 წლების სეზონში ვიეტომ 36 შეხვედრა ჩაატარა, 18 გოლი გაიტანა და 8-ჯერ გუნდელებს გაატანინა.