"ტრილერი" გათამაშდა ბრემენში, სადაც "ვერდერი" სამჯერ უგებდა "ვოლფსბურგს", მაგრამ მაინც წაააგო – 3:5. გაიტანდნენ "მუსიკოსები", უცებვე "მგლები" ათანაბრებდნენ და სიხარულს არ აცდიდნენ. მესამედ რომ დაწინაურდა "ვერდერი", პირველი ტაიმის ბოლომდე გაძლო და დიდი შანსი იყო, თამაში მოგებამდე მიეყვანა, რომ არა ბას დოსტი...

რასაც ეს ჰოლანდიელი ფეხბურთელი ბოლო მატჩებში აკეთებს, მხოლოდ ლეო მესი და კრიშტიანუ რონალდუ ახერხებენ. საოცარი შედეგიანობა აქვს დოსტს: ბუნდესლიგის ბოლო 7 მატჩში 14 გოლი. არადა, "ვერდერს" მშვენიერი სერია ჰქონდა ამ მატჩამდე. ვიქტორ სკრიპნიკის გაწვთნილებმა წლეულს პირველად წააგეს.

კვირის მეორე მატჩი ასეთი სანახაობრივი და დრამატული არ ყოფილა. ლუსიენ ფავრის "გლადბახი" შინ მუდამ ძლიერია და ამჯერადაც არ დასცდენია ფეხი – "პადერბორნს" 2:0 სძლია. სხვათა შორის, ფავრმა როტაციას მიმართა და არაოპტიმალური შემადგენლობა დააყენა. ლიდერები სათადარიგოებში დატოვა და როცა "პადერბორნის" გააქტიურება შენიშნა, მაშინ შეიყვანა მინდორზე ჰერმანი, მაქს კრუზე და ბოლოს კრამერიც.

გლადბახი-პადერბორნი 2:0 (1:0)

გლადბახი: ზომერი, კორბი, შტრანცლი, იანჩკე, ჯონსონი, ვენდტი, ნორდვაიტი, ტრაორე (ჰერმანი 73), ჯაკა, ჰრგოტა (მაქს კრუზე 68), რაფაელი (კრამერი 84)

მწვრთნელი: ლუსიენ ფავრი

პადერბორნი: ლუკას კრუზე, ჰაინლოთი (დუკში 80), ჰანემაიერი, ციგლერი, ბაკალორცი (ვრანჩიჩი 60), ბრუკნერი, მეჰა, რუპი, შტოპელკამპი (კოჩი 66), კაჩუნგა, ლაკიჩი

მწვრთნელი: ანდრე ბრაიტენრაიტერი

გოლები: 1:0 ჯონსონი (18), 2:0 ჰერმანი (81)

გაფრთხილება: რუპი (54), ვრანჩიჩი (62)

მსაჯი: ვაინერი

ბურთის ფლობა: 53-47, დარტყმა: 19 (7) – 18 (3), კუთხური: 10-8, თამაშგარე: 0-5, სეივი: 3-5, ჯარიმა: 8-13

ვერდერი-ვოლფსბურგი 3:5 (3:2)

ვერდერი: ვოლფი, ფრიტცი (ეგეშტაინი 77), პრიოდლი, ვესტერგარდი, იუნუზოვიჩი, ფელიქს კროოსი (მაკიადი 81), ოზთუნალი, გაბრე სელასი, დი სანტო, ზელკე

მწვრთნელი: ვიქტორ სკრიპნიკი

ვოლფსბურგი: ბენალიო, ტიმ კლოზე, ნალდო, შეფერი, არნოლდი, კალიჯური, ლუის გუსტავო, გულავოგი (შიურლე 64), დე ბრუინი, ვიერინია (იუნგი 77), დოსტი (ბენდტნერი 89)

მწვრთნელი: დიტერ ჰეკინგი

გოლები: 1:0 იუნუზოვიჩი (9), 1:1 კალიჯური (10), 2:1 დი სანტო (16), 2:2 არნოლდი (18), 3:2 ვიერინია (28 საკ. კარში), 3:3, 3:4 დოსტი (48, 51), 3:5 კალიჯური (52)

გაფრთხილება: გულავოგი (55), კროოსი (70), ვესტერგარდი (79)

მსაჯი: ფრიტცი

ბურთის ფლობა: 42-58, დარტყმა: 10 (5) – 13 (6), კუთხური: 6-3, თამაშგარე: 2-5, სეივი: 1-2, ჯარიმა: 20-13