ბრიტანული მედიის ინფორმაციით, ლივერპულის “ევერტონის” დამრიგებელ რობერტო მარტინესს “მანჩესტერ იუნაიტედის” საკუთრებაში მყოფი შემტევის ნანის გადაბირება სურს. პორტუგალიელი ფეხბურთელი ამჟამად ლისაბონის “სპორტინგშია” განათხოვრებული.

ნანიმ პორტუგალიის პრემიერლიგის 22-ე ტურში “ჟილ ვისენტეს”, რომლის ღირსებასაც ქართველი ნახევარმცველი ავთო ებრალიძე იცავს, 30 მეტრიდან ლამაზი გოლი გაუტანა. მიმდინარე სეზონში 28 წლის შემტევმა 26 მატჩში 9 გოლი და 7 საგოლე გადაცემა შეასრულა.

ჯერჯერობით უცნობია “კამფეტები” ნანის ყიდვას შეეცდებიან თუ იჯარას განახორციელებენ. ფეხბურთელის სატრანსფერო ღირებულება 16 მილიონ ევროს შეადგენს.