ერევნის “ულისმა”, რომელსაც სომხეთის საფეხბურთო პრემიერლიგაში ყველაზე მეტი ქართველი ფეხბურთელი ჰყავს, ანთალიაში შეკრება მაკედონიის “ვარდართან” მოგებული (3:1) ამხანაგური მატჩით დაასრულა.
ერევნელთა რიგებში ერთი გოლი გიორგი ხუბუამ გაიტანა, რომელმაც სპარინგში საბოლოო ანგარიში მე-80 წუთზე დააფიქსირა.
მის გარდა, ქართველებიდან გუნდში კიდევ ზამირ ჯანაშია, დავით ხურციძე, ირაკლი გეფერიძე და ირაკლი ჭეჟია ირიცხებიან.
საშემოდგომო ეტაპის შემდეგ, “ულისი” სომხეთის ჩემპიონატის ლიდერია.
