გერმანიის მოქმედ ჩემპიონი და ყველაზე ტიტულოვანი გუნდი მიუნხენის “ბაიერნი” ევროპული რეკორდის მფლობელია. გერმანულმა გრანდმა 2011-2012 წლების სეზონიდნ მოყოლებული ბუნდესლიგაში მხოლოდ და მხოლოდ 7 შეხვედრა წააგო. ასეთი მაჩვენებელი კი ბოლო სამწელიწადნახევრის განმავლობაში არცერთ სხვა ევროპულ გუნდს არ აქვს.
“რეკორდმაისტერთან” ყველაზე ახლოს იტალიის ჩემპიონი ტურინის “იუვენტუსი” დგას. “ბებერმა ქალბატონმა” დროის იგივე მონაკვეთში იტალიის სერია A-ში 9 მარცხი განიცადა.
მიმდინარე სეზონში “ბაიერნსაც” და ”იუვენტუსსაც” თავიანთ ჩემპიონატებში მხოლოდ თითო მატჩი აქვთ წაგებული.
