ლანჩხუთის “გურიამ” ამხანაგური მატჩი საქართველოს საფეხბურთო ჩემპიონატის პირველი ლიგის B ჯგუფის ლიდერ “საპოვნელასთან” ჩაატარა და 2:0 გაიმარჯვა.
შეხვედრა ლანჩხუთში ევგრაფი შევარდნაძის სახელობის სტადიონის სათადარიგო მოედანზე გაიმართა და “გურიას” მთავარმა მწვრთნელმა დავით ლორიამ ასეთი სასტარტო შემადგენლობა დააყენა:
თებიძე, ჭეიშვილი, ღაღანიძე, ცინცაძე, ხუმარაშვილი, კოშკაძე, კილაძე, მოსიაშვილი, შალამბერიძე, კონოვალოვი, ისიანი.
შეცვლაზე შევიდნენ: მათიაშვილი, გაბრიჩიძე, ინგოროყვა, წილოსანი
ლანჩხუთელებიდან გოლები გუნდის ახალწვეულებმა ბიძინა ცინცაძემ და ვილი ისიანმა გაიტანეს.
მომდევნო ამხანაგურ მატჩს “გურია” ურეკში ზუგდიდის “ლაზიკასთან” ჩაატარებს.
