კოლუმბიის ეროვნული ნაკრების და მადრიდის “რეალის” შემტევმა ხამეს როდრიგესმა “სევილიის” წინააღმდეგ პრიმერა დივიზიონის მე-16 ტურის გადადებულ მატჩში მარჯვენა ფეხის ტერფის ტრავმა მიიღო და 27-ე წუთზე სამხრეთამერიკელის ნაცვლად ხესე შევიდა.

“სამეფო კლუბის” ოფიციალურმა ვებგვერდმა ხამესის ტრავმა დაადასტურა, თუმცა სარეაბილიტაციო პერიოდის ვადა არ დაუსახელებია. ევროპულ მედიაში გავრცელებული ინფორმაციის თანახმად, აღნიშნული ტრავმის აღდგენით პროცესს 2 თვე სჭირდება.