იტალიის რანგით მე-3 ლიგა A2 სილვერში მოთამაშე გიგა ჯანელიძის “როზეტო” “ბასკეტ რეკანატის” ესტუმრა და 70:84 დამარცხდა. მატჩის ბედი დასკვნით მეოთხედში გადაწყდა, რომელიც მასპინძლებმა 33:21 მოიგეს.
ქართველი კალათბურთელი სასტარტო ხუთეულში იყო და 21:57 წუთში 6 ქულა და 5 მოხსნა მოაგროვა. ჯანელიძემ 7-დან 3 ორქულიანი ჩააგდო, 3 სამქულიანი ააცილა, ბურთი ერთხელ დაკარგა და 4 პერსონალური ფოლი მიიღო.
როზეტოელებმა 7 მოგების წილ მე-12 მარცხი განიცადეს და 16-გუნდიან ლიგაში მე-14 ადგილზე იმყოფებიან, შემდეგ მატჩს კი 1 თებერვალს, შინ, “პიაჩენტინასთან” გამართავენ.