ლონდონის “ჩელსის” თავკაცმა ჟოზე მოურინიომ პრესკონფერენციაზე მცირე კომენტარი გააკეთა ბოლო დროს გავრცელებულ ხმებზე, თითქოს მისი გუნდი ფლორენციის “ფიორენტინას” ფეხბურთელის ხუან კუადრადოს შეძენას გეგმავს, პორტუგალიელი სპეციალისტი ანდრე შიურლესა და მოჰამედ სალაჰის საკითხსაც შეეხო.
“კუადრადო “ფიორენტინას ფეხბურთელია და არა “ჩელსის”, მის ტრანსფერზე საუბარი ნაადრევია. მე ყოველ თამაშზე განაცხადში ერთდაიგივე 18 ფეხბურთელის შეყვანა მიჭირს, მაგრამ ანდრე შიურლე და მოჰამედ სალაჰი თითქმის ყოველთვის ხდვებიან ამ სიაში, მათ გაყიდვას გუნდი არ გეგმავს”, - განაცხადა “განსაკუთრებულმა”.
ბოლო პერიოდში პრესაში ხშირად იწერება გერმანელი ნახევარმცველისა და სალაჰის შესაძლო გასხვისებისა და იტალიური გუნდიდან კოლუმბიელი გარემარბის დამატების შესახებ.
