დღეიდან საწყლოსნო კომპლექსი "ოლიმპიკი" წყალბურთში საერთაშორისო ტურნირს უმასპინძლებს. "გვახარიას თასზე" მასპინძელი საქართველოს ნაკრების მეტოქეები ყაზახეთის, თურქეთისა და რუსეთის ეროვნული გუნდები იქნებიან.

საქართველოს ნაკრებისთვის სამივე მეტოქე კარგად ნაცნობია – ყაზახეთი მუდმივად ჩამოდის თბილისში ჩატარებულ სხვადასხვა საერთაშორისო ტურნირზე, თურქეთი ჩვენებმა შარშან ევროპის ჩემპიონატის პლეი ოფში დაამარცხეს, რუსეთის ნაკრებთან კი ევროპირველობის ფინალურ ეტაპზე დამარცხდნენ.

საქართველოს ნაკრები ტურნირის პირველ დღეს თურქეთს დაუპირისპირდება, მეორე ტურში ყაზახეთს, შეჯიბრების დასკვნით დღეს კი რუსეთს გაეჯიბრება. მატჩზებზე დასწრება თავისუფალია.

მატჩების განრიგი:

23 იანვარი

17:00 რუსეთი – ყაზახეთი

18:30 საქართველო – თურქეთი

24 იანვარი

17:00 რუსეთი – თურქეთი

18:30 საქართველო – ყაზახეთი

25 იანვარი

10:00 ყაზახეთი – თურქეთი

11:30 საქართველო – რუსეთი