მადრიდის “რეალის” იტალიელმა თავკაცმა კარლო ანჩელოტიმ ესპანურ მედიას განუცხადა, რომ კატალონიის “ბარსელონას” ვარსკვლავ, ლიონელ მესის სიამოვნებით გაწვრთნიდა.
“ამის წარმოდგენა შესანიშნავია. სიამოვნებით ვიმუშავებდი რონალდუსთან და მესისთან ერთად, მაგრამ არ უნდა დაგვავიწდეს, რომ კრიშტიანუ “რეალის” ლეგენდაა, მესი “ბარსელონასი” და ორივე მათგანს კლუბის ისტორიაში აქვთ თავიანთი სახელები ჩაწერილი. თუმცა ეს შესანიშნავი იქნებოდა, მაგრამ რეალურად ამის წარმოდეგნაც კი რთულია”, - განაცხადა ანჩელოტიმ.
