“კარდიფის” 32 წლის ესპანელი ფეხბურთელი ხავი გერა იჯარის წესით სეზონის ბოლომდე “მალაგაში” ითამაშებს. ფეხბურთელი გასულ ზაფხულს თავისუფალი აგენტის სტატუსით გადავიდა უელსელთა კლუბში, თუმცა გუნდში დამკვიდრება ვერ მოახერხა, რაც გუნდიდან წასვლის მიზეზი გახდა.
გერას უთამაშია რამდენიმე ესპანურ კლუბში - იყო “ვალენსიას,” “მალიორკას,” “გრანადასა” და “ვალიადოლიდის” ფეხბურთელი. მან მიმდინარე სეზონში ინგლისის ჩემპიონშიფში მხოლოდ 3 მატჩი ჩაატარა.
