კატალონიის “ბარსელონას” არგენტინელმა ვარსკვლავმა ლიონელ მესიმ “ოქროს ბურთის” დაჯილდოვების წინ, ციურიხში ჟურნალისტებს მცირე კომენტარი გაუკეთა. მესის თქმით, მან არ იცის თუ რომელ გუნდში ითამაშებს მომავალ სეზონში.
“არ ვიცი, დავასრულებ თუ არა კარიერას “ნიუელს ოლდ ბოისში”, ისევე როგორც არ ვიცი, სად ვითამაშებ მომავალ სეზონში. სიამოვნებით დავრჩებოდი კარიერის ბოლომდე “ბარსელონაში”, მაგრამ ფეხბურთში ყველაფერი შეიძლება მოხდეს”, - განაცხადა მესიმ.
ბოლო ხანებში ხშირად ვრცელდება ხმა არგენტინელსა და კატალონურ გრანდს შორის გაფუჭებულ ურთიერთობაზე, გარდა ამისა, მესით ლონდონის “ჩელსის” დაინტერესების შესახებაც.
ლიონელ მესი “ბლაუგრანას” პირველი გუნდის ღირსებას 2004 წლიდან მოყოლებული იცავს.
