საქართველოს ბერძნულ-რომაული სტილით მოჭიდავეთა ნაკრების მძიმეწონოსანი გურამ ფერსელიძე ევროპის ჩემპიონატის ნახევარფინალში მსოფლიოსა და ევროპის მოქმედ ჩემპიონთან, თურქ რიზა კაიაალპთან წმინდად დამარცხდა და რეპეშაჟის ფინალში გადაერთო.
ბრინჯაოს მედლისთვის ბრძოლაში ფერსელიძე აზერბაიჯანის ნაკრების წევრ რადომირ პეტკოვიჩსა და ბელარუსის სახელით მოჭიდავე იოსებ ჩუგოშვილს შორის გამარჯვებულს შეხვდება.
დამამშვიდებელ ეტაპზე გადართვის შანსი უკვე დაკარგა ლაშა გოგიტაძემ (55 კგ). რევაზ ლაშხისა (60 კგ) და სოსო ჯაბიძის (96 კგ) მომგები მოჭიდავეები კი ნახევარფინალში არიან.
