რუსეთის ქალაქ ხანტი-მანსიისკში მიმდინარე ქალთა შორის მსოფლიოს საჭადრაკო ჩემპიონატის ფინალური მატჩის მე-3 პარტიაში უკრაინელმა ანა უშენინამ ბულგარელ ანტუანეტა სტეფანოვას სძლია და ჩემპიონობისკენ დიდი ნაბიჯი გადადგა.
უშენინა თეთრი ფიგურებით თამაშობდა და გამარჯვება 37-ე სვლაზე იზეიმა, შედეგად, უკრაინელი 2:1 დაწინაურდა. 30 ნოემბერს მოჭადრაკეები კლასიკური კონტროლით ბოლო პარტიას ჩაატარებენ და თუკი თეთრებით სტეფანოვამ არ იმარჯვა, ოქროს მედალი უშენინას დარჩება.