თურქული “ბეშიქთაშის” ხელმძღვანელობა ლონდონის “ჩელსის” ფორვარდის – ფერნანდო ტორესის შეძენით დაინტერესდა. ამის შესახებ თურქული გამოცემები იუწყებიან.
30 წლის ესპანელის ტრანსფერის ინიციატორი “ბეშიქთაშის” ხორვატი დამრიგებელი სლავენ ბილიჩია. თურქებს “ელ ნინიოს” შეძენა უახლოეს კვირებშივე სურთ.
მოგეხსენებათ, სადღეისოდ, ტორესი ესპანეთის ეროვნულ გუნდთან ერთად მსოფლიოს ჩემპიონატზე იმყოფება. სავარაუდოდ, მისი ბედი ბრაზილიიდან დაბრუნების შემდეგ გადაწყდება.
