საქართველოს თავისუფალი სტილით მოჭიდავეთა ნაკრების წევრმა დავით მარსაგიშვილმა ევროპის ჩემპიონის ტიტული ზედიზედ მეორედ მოიპოვა. 84 კილოგრამ წონით კატეგორიაში მოჭიდავე ქართველმა ფინალში სომხეთის ნაკრების წევრ მუსა მურთაზალიევს ორ პერიოდში (2:0 2:0) მოუგო.

ფინალის გზაზე დავით მარსაგიშვილმა ავსტრიელი დომინიკ კლაუს პეტერი (7:0 7:0), რუმინელი ანდრეი ვიქტორ ფრანტი (1:0 6:0) და რუსეთის ნაკრების ყაბარდოელი წევრი ანზორ ურიშევი (1:0 4:2) დაამარცხა.

საქართველოს თავისუფალი სტილით მოჭიდავეთა ნაკრებმა ევროპის ჩემპიონატი 44 ქულით დაასრულა და საერთო გუნდურ ჩათვლაში მხოლოდ 53-ქულიან რუსეთს ჩამორჩა.

დღესვე მედლების ბოლო ორი კომპლექტი მოჭიდავე ქალებმაც გაითამაშეს.

თავისუფალი ჭიდაობა

84 კგ

1 დავით მარსაგიშვილი (საქართველო)

2 მუსა მურთაზალიევი (სომხეთი)

3 იბრაგიმ ალდატოვი (უკრაინა)

3 ანზორ ურიშევი (რუსეთი)

ქალთა ჭიდაობა

63 კგ

1 ანასტასია გრიგორევა (ლატვია)

2 მონიკა ევა მიხალიკი (პოლონეთი)

3 განა ვასილენკო (უკრაინა)

3 ანა ბელიაევა (აზერბაიჯანი)

72 კგ

1 ნატალია ვორობიოვა (რუსეთი)

2 მაიდერ უნდა გონზალესი (ესპანეთი)

3 ვასილისა მარზალიუკი (ბელარუსი)

3 კატერინა ბურმისტროვა (უკრაინა)