ქართველმა მოცურავე ირაკლი ბოლქვაძემ ჰოლანდიაში მიმდინარე საერთაშორისო ტურნირზე – Swim Cup Eindhoven – მე-4 ადგილი დაიკავა.

400 მეტრზე კომპლექსურ ცურვაში ბოლქვაძემ დილით საკვალიფიკაციო ეტაპზე იასპარეზა და დისტანცია 4:30.73 წუთში დაფარა, რაც ასევე მე-4 შედეგი იყო.

ფინალში ქართველმა სპორტსმენმა, რომელიც კლუბ Hamilton Aquatics-ის სახელით ასპარეზობდა, დრო ოდნავ გააუმჯობესა (4:30.54), თუმცა, ეს წინსვლისთვის საკმარისი არ აღმოჩნდა და მე-4 საფეხურს დასჯერდა.

ბოლქვაძე გამარჯვებულ ერიკ პერსონს 7.46 წამით ჩამორჩა. ისიც ვთქვათ, რომ ამ დისტანციაზე ირაკლის და შესაბამისად, საქართველოს რეკორდიც 4:29.25 წუთია.