“ლივერპულმა” ინგლისის ლიგის თასზე “სუონსი” დაამარცხა (2:1). როჯერსის ფეხბურთელთაგან გოლის გატანა მოახერხა ბალოტელიმ. იტალიის ნაკრების ფორვარდის მსგავსად გოლი გაიტანა ხორვატმა ლოვრენმა, თუმცა ინგლისელი ჟურნალისტები ყურადღებას ბალოტელის გოლზე ამახვილებდნენ, მარიოს შესახებ ლივერპულელეთა გამოცდილ მცველ კოლო ტურეს თხოვეს კომენტარის გაკეთება.
“მარიოსთვის გოლი ძალიან მნიშვნელოვანი იყო, რაც მის ფსიქოლოგიურ მდგომარეობაზე დადებითად იმოქმედებს. მე, მსგავსად კაპიტან ჯერარდისა და მწვრთნელ როჯერსისა, მხარში დავუდგები ფორვარდს. ბალოტელი მაღალი კლასის ფეხბურთელია და გვჯერა “ლივერპულის” გულშემატკივარს ხშირად გაახარებს” – განაცხადა ტურემ.
