საქართველოს წყალბურთელთა ნაკრებმა მსოფლიო თასის საკვალიფიკაციო ეტაპის ჯგუფში, რომელსაც მონტენეგრო მასპინძლობს, მეორე ტურის მატჩი ჩაატარა და პირველი გამარჯვება მოიპოვა.

დეიან სტანოევიჩის გუნდი გუშინ პირველ ტურში მონტენეგროსთან დაძაბულ ბრძოლაში 12:13 დამარცხდა, დღეს კი ამავე ანგარიშით იმარჯვა.

ავსტრალიის ნაკრების წინააღმდეგ ქართველი წყალბურთელებისთვის გარდამტეხი მესამე პერიოდი გამოდგა, რომელიც სამბურთიანი სხვაობით 7:4 მოიგეს, რაც საბოლოოდ თამაშის მოსაგებადაც საკმარისი გამოდგა.

ორი ტურის შემდეგ საქართველოს ნაკრები 1 მოგებით და 1 წაგებით B ჯგუფში მესამე ადგილზეა, მომდევნო ტურში კი 10 მარტს, ესპანეთის ნაკრებს შეხვდება. ჯგუფში ასევე ასპარეზობენ ესპანეთი, სერბეთი, მონტენეგრო, საბერძნეთი და ავსტრალია. ექვსი გუნდიდან საუკეთესო სამეული ასპარეზობას პლეი-ოფში გააგრძელებს.

საქართველო - ავსტრალია 13:12 (1:2, 2:2, 7:4, 3:4)