იტალიის სერია A-ს 27-ე ტურში თორნიკე შენგელიას „ვირტუს ბოლონიამ“ სტუმრად „პეზარო“ ადვილად, 96:77 დაამარცხა.

ქართველმა კალათბურთელმა 19 წუთი ითამაშა და ხსენებულ დროში 12 ქულა, 2 მოხსნა, 3 პასი და 1 დაფარება მიითვალა. შენგელიამ 7-დან 4 ორქულიანი, 3-დან 1 სამქულიანი და 1-დან 1 საჯარიმო ჩააგდო. მისი მარგი ქმედების კოეფიციენტი კი 15-ს გაუტოლდა.

„ვირტუს ბოლონია“ სერია Aს 23 მოგებით და 3 წაგებით დამაჯერებლად ლიდერობს და სავარაუდოდ, პლეი-ოფში პირველი ადგილით ითამაშებს, ხოლო მომდევნო ტურში 22 აპრილს, „ტორტონას“ უმასპინძლებს.