მიუნხენის „ბაიერნი“ მზადაა მანუელ ნოიერს ახალი კონტრაქტი გაუფორმოს. Sport1-ის ცნობით, გერმანელი კიპერი კარიერის დასრულებას უახლოეს მომავალში არ აპირებს და „რეკორდმაისტერის“ ხელმძღვანელობაც მისი თამაშით კმაყოფილია.

ნოიერის მოქმედი ხელშეკრულება 2023 წლის ზაფხულამდეა ძალაში, მაგრამ მხარეები თითქმის შეთანხმდნენ, რომ ის 2 წლით, 2025 წლის 30 ივნისამდე განახლდება. მოსალოდნელია, რომ ინფორმაცია უახლოეს დღეებში ოფიციალურად დადასტურდება.

35 წლის მანუელ ნოიერი „ბაიერნში“ 2011 წელს „შალკედან“ გადავიდა და მას შემდეგ მიუნხენური გიგანტის რიგებში 451 თამაში ჩაატარა.