საქართველოს საკალათბურთო ნაკრების ერთ-ერთმა ლიდერმა, თორნიკე შენგელიამ, გერმანიასთან მატჩამდე კომენტარი გააკეთა და თქვა, რომ იგივე ტაქტიკით უნდა ითამაშონ, როგორც ლიტვასთან.

“მოდუნება არც ერთ შემთხვევაში არ შეიძლება. ძალიან კარგი გუნდია გერმანია, ძალიან ძლიერი თამაში ჩაატარა უკრაინის წინააღმდეგ. ძალიან ძლიერი მოთამაშეები ყავთ. მონახაზი იგივე იქნება, რაც ლიტვასთან, თუმცა არ გვეყოლება ცინცაძე და მის შეცვლას დიქსონი შეეცდება. ჩვენ ყველა შესაძლებლობა უნდა გამოვიყენოთ”, - თქვა შენგელიამ.

შეგახსენებთ, რომ საქართველოს ნაკრები 2 სექტემბერს, თბილისის დროით 16:45 წუთზე გერმანიას დაუპირისპირდება.