ტურინის “იუვენტუსის” კაპიტან ჯანლუიჯი ბუფონს სერიოზული დაზიანება არ აღმოაჩნდა. როგორც ცნობილი გახდა, ვეტერან კიპერს იტალიის ჩემპიონატის ბოლო ტურში “კალიარისთან” მატჩში მუხლი დაუზიანდა, მაგრამ არა ისე, რომ მას გარკვეული პერიოდი გაუცდეს – ბუფონმა გუშინ გუნდთან ერთად სრული დატვირთვით ივარჯიშა.
მიუხედავად ამისა, როგორც იტალიური მედია ვარაუდობს, მასიმილიანო ალეგრი რისკზე წასვლას არ აპირებს და შაბათს, “პალერმოსთან” შეხვედრაში ლეგენდარული ბუფონი დიდი ალბათობით დაისვენებს.
