მადრიდის “ატლეტიკოს” ფეხბურთელი ხუანფრანი კლუბის დატოვებას არ აპირებს. მას ლონდონის “არსენალის” ხელმძღვანელობა ორჯერ დაუკავშირდა, ორივე შემთხვევაში ესპანელმა ინგლისურ კლუბს უარით უპასუხა. ამ თემაზე 30 წლის მოთამაშე ღადიო Marca-ს ესაუბრა.

“კარგად ვიცი, სადაც ვარ. “ატლეტიკო” გუნდში დარჩენის სტიმულს მაძლევს. ამიტომაც ორჯერ უარი ვუთხარი “არსენალს”. როგორც ვფიქრობდი, ისე მოვიქეცი”, - აღნიშნა 2012 წლის ევროპის ჩემპიონმა.

2011 წლიდან ხუანფრანი “ატლეტიკოს” ფეხბურთელია. მას ასევე უთამაშია მადრიდის “რეალის,” “ესპანიოლისა” და “ოსასუნას” შემადგენლობაში.

ხუანფრანმა მიმდინარე სეზონის პრიმერა დივიზიონში 27 მატჩი ჩაატარა, ჩემპიონთა ლიგაზე კი 8 შეხვედრაში მიიღო მონაწილეობა.