სანკტ-პეტერბურგის “ზენიტი” მიმდინარე სატრანსფერო სეზონში ხმაურიანი შენაძენების გაკეთებას გეგმავს. Futbol.pl-ს ცნობით, რუსები გერმანული “დორტმუნდის” წამყვანი ფეხბურთელების – რობერტ ლევანდოვსკისა და ნევენ სუბოტიჩის შეძენით არიან დაინტერესებულნი.

აღნიშნული წყაროს ინფორმაციით, “ზენიტი” ლევანდოვსკისა და სუბოტიჩის სანაცვლოდ 70 მილიონი ევროს გადასახდელადაა მზად. რუსებისთვის პრიორიტეტული პოლონელი ფორვარდის ტრანსფერია.

ჯერჯერობით, “ზენიტს” “დორტმუნდისთვის” ოფიციალური წინადადებით არ მიუმართავს.