იტალიელმა ფაბიო ფონინიმ ჰამბურგის ტურნირის ნახევარფინალში ესპანელი ნიკოლას ალმაგროს 6:4, 7:6 ძლევის შემდეგ გადამწყვეტ მატჩში მომაწილეობის უფლება მოიპოვა, ხვალიდან კი რეიტინგის მოწინავე ოცეულში დამკვიდრდება. აქამდე აპენინელის საუკეთესო შედეგი 24-ე საფეხური გახლდათ.

სადღეისოდ კი ფონინი 25 ჩოგანია და ზედიზედ მეორე შეჯიბრების ფინალში გავიდა. დღეს ფაბიოს მოწინააღმდეგე 22 წლის არგენტინელი ფედერიკო დელბონისია, რომელმაც გუშინდელ ნახევარფინალში ჰამბურგის ტურნირის ოთხგზის ტრიუმფატორ როჯერ ფედერერს მოუგო და კარიერის განმავლობაში ATP ტურნირის პირველ საფინალო ორთაბრძოლას ჩაატარებს.