გუშინ დაგეგმილი უკრაინისა და საქართველოს ხელბურთელთა ნაკრებების მეორე საწვრთნელი მატჩი კონჩა-ზასპეს ბაზაზე წარმოქმნილი ტექნიკური პრობლემების გამო არ გამართულა.

დღეს დილით ქართველი ხელბურთელები ლიტვაში გაფრინდნენ, სადაც ხვალ, 30 ოქტომბერს, მსოფლიო ჩემპიონატის პირველი საკვალიფიკაციო მატჩში პანევეჟისში მასპინძლებს ეთამაშებიან.

სქართველოს ნაკრები უკვე სრული შემადგენლობითაა – სლ ბოლოს გუნდს შეუერთდა მაკედონიის “სტრუმიცას” მოთამაშე რევაზ ჭანტურია, რომელმაც ნაკრებთან ერთად უკვე ივარჯიშა.

მომავალი მატჩი პანევეჟისში 20:45 საათზე დაიწყება, რეპორტაჟს კი ლიტვის საზოგადოებრივი მაუწყებელი გეგმავს.

თამაშის შემდეგ ხელბურთელთა ნაკრები საქართველოში გამოემგზავრება, სადაც 3 ნოემბერს მეორე მატჩია ფინეთთან. შეხვედრა სპორტის სასახლეში, 18 საათზე დაიწყება და შესვლა თავისუფალია.

შესარჩევი ჯგუფის (საქართველო, ლიტვა, ფინეთი თურქეთი) გამარჯებული პლეიოფში გავა და 2014 წლის ივნისში უკვე მსოფლიო ჩემპიონატის საგზურისთვის ითამაშებს. მეტოქე ევროპის ჩემპიონატის დასრულების შემდეგ გაირკვევა (2014 წლის იანვარი, დანია).

მსოფლიოს ჩემპიონატი 2015 წლის იანვარში, 24 გუნდის მონაწილეობით, ყატარში ჩატარდება. მასპინძელი ყატარი და მსოფლიო ჩემპიონი ესპანეთი ტურნირში შერჩევის გარეშე იასპარეზებენ. ევროპას, ესპანეთის გარდა, 12 ადგილი აქვს გამოყოფილი.

3 საგზურს მიიღებს ევროპის 2014 წლის ჩემპიონატის სამი საუკეთესო გუნდი (მონაწილეობენ – ესპანეთი, დანია, ჩეხეთი, მაკედონია, ავსტრია, ისლანდია, უნგრეთი, ნორვეგია, სერბეთი, საფრანგეთი, პოლონეთი, რუსეთი, ხორვატია, შვედეთი, ბელარუსი, მონტენეგრო). დანარჩენი 12 მონაწილე ქვეყანა გადავა მსოფლიო ჩემპიონატის პლეიოფში. მათ დაემატება გერმანია და პირველი ეტაპის 5 გამარჯვებული.

მსოფლიო ჩემპიონატის კვალიფიკაცია. ევროპის პირველი ეტაპი

პირველი ჯგუფი: ლიტვა, თურქეთი, საქართველო, ფინეთი

30 ოქტომბერი: ლიტვა - საქართველო, ფინეთი - თურქეთი

3 ნოემბერი: თურქეთი - ლიტვა, საქართველო-ფინეთი

2 იანვარი: ფინეთი - ლიტვა, თურქეთი - საქართველო

4-5 იანვარი: ლიტვა - ფინეთი, საქართველო - თურქეთი

8-9 იანვარი: საქართველო - ლიტვა, თურქეთი - ფინეთი

11-12 იანვარი: ლიტვა - თურქეთი, ფინეთი - საქართველო

მეორე ჯგუფი: სლოვაკეთი, რუმინეთი, კვიპროსი, იტალია

მესამე ჯგუფი: სლოვენია, უკრაინა, შვეიცარია, ლუქსემბურგი

მეოთხე ჯგუფი: ჰოლანდია, ისრაელი, საბერძნეთი, ბელგია

მეხუთე ჯგუფი: პორტუგალია, ბოსნია, ლატვია, ესტონეთი

საქართველოს ხელბურთის ფედერაციის პრეს-სამსახური