“ბარსელონას” მეკარემ ვიქტორ ვალდესმა მტკიცედ გადაწყვიტა, მომავალი სეზონის დასრულების შემდეგ “ბარსელონა” დატოვოს. ამის შესახებ მან ესპანურ სპორტულ გამოცემებს თავად აცნობა.
“კლუბის ინტერესებისთვის არასოდეს მიღალატნია. ვიდრე “ბარსელონას” მაისურით ვითამაშებ, მისთვის თითოეულ მატჩში ბოლომდე დავიხარჯები. სეზონის დასრულების შემდეგ კი კარიერას სხვა გუნდში გავაგრძელებ. ეს საბოლოო გადაწყვეტილებაა და რაც არ უნდა მოხდეს, სიტყვას აღარ გადავთქვამ. ძალიან მინდა, “ბარსელონადან” ჩემპიონთა ლიგის თასის მფლობელის რანგში წავიდე” – განაცხადა ვიქტორ ვალდესმა.
