ლონდონის “ტოტენჰემის” დამრიგებელი ანდრე ვილაშ ბოაში ადასტურებს, რომ მისი გუნდი “ვალენსიას” ლიდერის, რობერტო სოლდადოს შეძენითაა დაინტერესებული.

“სოლდადო ნამდვილად შედის იმ ფეხბურთელთა შორის, რომელთა ჩემს გუნდში ხილვასაც ვისურვებდი. საიდუმლო არვისთვისაა, რომ თავდამსხმელს ვეძებთ. ვფიქრობ, რობერტო ჩვენს გუნდს კარგად მოერგება. სოლდადო ძალიან ძლიერი თავდამსხმელია. მისი კარიერა მრავლისმთქმელია. ამჟამად, მოლაპარაკებებს ვაწარმოებთ, მაგრამ შეთანხმებული ჯერ არაფერია.” – ციტირებს ვილაშ ბოაშის სიტყვებს Sky Sports-ი.