მილანის "ინტერის" სერბმა მცველმა ნემანია ვიდიჩმა თანამემამულის დეიან სტანკოვიჩის სამწვრთნელო კარიერაში გადადგმული ნაბიჯი შეაქო.
შეგახსენებთ, რომ 36 წლის სერბი "უდინეზეს" მთავარი მწვრთნელის ანდრეა სტრამაჩონის თანაშემწეა.
"სტანკოვიჩი თავისი ახალი სამუშაო ადგილით ნამდვილად ტკბება და ვიმედოვნებ, იგი მომავალში მთავარი მწვრთნელიც გახდება. მას უკვე უგროვდება საკმარისი გამოცდილება, რაც მომავალში წაადგება. ვფიქრობ, მომდევნო რამდენიმე წელიწადის განმავლობაში სამწვრთნელო ლიცენზიას მეც ავიღებ და ოდესღაც, სტანკოვიჩის გუნდს დავუპირისპირდები." - განაცხადა სერბმა მცველმა.
გიორგი ბალახაძე
