“ლივერპულსა” და “ტოტენჰემს” შორის გასამართი მატჩის წინ, ლონდონური კლუბის ცენტრალური მცველი იან ვერტონგენი კომენტარს აკეთებს და აცხადებს, რომ მერსისაიდელთა წარმატების მთავარი შემოქმედი ლუის სუარესია.
“რატომ ვიმყოფებით ცხრილში “ლივერპულზე” ქვემოთ? ამის მიზეზი ლუის სუარესია.
სუარესი მსოფლიოს ერთ-ერთი საუკეთესო თავდამსხმელია. სწორედ მისი წყალობით აგროვებს “ლივერპული” ამდენ ქულას.
რა თქმა უნდა, სახიფათოა დანიელ სტარიჯიც. ამ დუეტის შეჩერება ძალიან რთულია.
“ლივერპული” ძლიერი გუნდია, რომელიც ამას ყოველ კვირას ამტკიცებს. ამის მიუხედავად, დადებითი შედეგისთვის ვიბრძოლებთ.” – აცხადებს ვერტონგენი.
“ლივერპული” და “ტოტენჰემი”, პრემიერლიგის 32-ე ტურში, ერთმანეთს 30 მარტს, ლივერპულში დაუპირისპირდებიან.
