ლონდონის “არსენალის” მთავარმა მწვრთნელმა არსენ ვენგერმა ერთ-ერთ ბრიტანულ გამოცემასთან ინტერვიუში მიუნხენის “ბაიერნისა” და მადრიდის “რეალის” თამაში გააანალიზა. ფრანგი სპეციალისტის აზრით, “სამეფო კლუბი” შეტევაში გაცილებით სახიფათოა.
“გასულ სეზონში არიენ რობენისა და ფრანკ რიბერის დუეტი შიშის ზარს სცემდა მეტოქეებს. ეს ფეხბურთელები საუკეთესო ფორმაში იყვნენ და შესაბამისად, “ბაიერნის” შემტევი ხაზიც უნაკლო იყო. მიმდინარე სეზონში კი ბავარიული კლუბი ასევე შთამბეჭდავად გამოიყურება, მაგრამ, ვფიქრობ, შეტევაში ნაკლებად სახიფათოა. ეს ჩვენთან შეხვედრაშიც გამოჩნდა. მიუხედავად იმისა, რომ კაცნაკლული ვთამაშობდით, მეტოქემ ბევრი საგოლე მომენტის შექმნა ვერ შეძლო. ჩემი აზრით, ამჟამად “რეალი” “ბაიერნზე” უკეთესი გუნდია, რომელიც გაცილებით დაბალანსებულ ფეხბურთს აჩვენებს” – განაცხადა არსენ ვენგერმა.
