გერმანული “ჰამბურგის” კაპიტანი რაფაელ ვან დერ ვაარტი მიიჩნევს, რომ გუნდს თამაშის გაუმჯობესება მართებს. წინააღმდეგ შემთხვევაში, ბუნდესლიგიდან გავარდნა გარდაუვალია.

“ჰამბურგმა” ბუნდესლიგის ბოლო 4 თამაში წააგო და მე-16 პოზიციაზე გადაინაცვლა. ეს ის ადგილია, რომელიც ბუნდესლიგაში დარჩენისთვის ფლეი ოფის მატჩების გამართვას საჭიროებს.

“თუ ასე თამაშს განვაგრძობთ, გავვარდებით. რამე უნდა მოვიმოქმედოთ. შევამჩნიე, რომ ბევრ ორთაბრძოლას მარტივად ვაგებთ. არადა, ბოლომდე ბრძოლა გვმართებს.

ჩვენი გუნდი სტაბილურობას უფრო და უფრო კარგავს, რაც მტკინვეულია.” – განაცხადა 30 ჰოლანდიელმა ნახევარმცველმა.