ესპანური “ვალენსიას” ხელმძღვანელებმა სპორტული დირექტორის თანამდებობიდან ბრაულიო ვასკესი გაათავისუფლეს. ამის შესახებ Football Espana იუწყება.
ესპანური მედიასაშუალებები მოვლენათა ამგვარ განვითარებას უკანასკნელი კვირების განმავლობაში ვარაუდობდნენ. ვასკესთან ერთად, ადგილობრივი ჟურნალისტები გუნდის მთავარი მწვრთნელის – მიროსლავ ჯუკიჩის წასვლასაც ვარაუდობენ.
ცნობისათვის, ვასკესი “ღამურებში” 2009 წლიდან მუშაობდა. თავდაპირველად, ბრაულიო “ღამურების” იმჟამინდელ სპორტულ დირექტორ ფერნანდო გომეს კოლომერს ეხმარებოდა, 2010 წლიდან კი, მისი თანამდებობა დაიკავა.
