კატალონიის “ბარსელონას” კარის დარაჯ ვიქტორ ვალდესს სეზონის ბოლოს კლუბის შეცვლა გადაწყვეტილი აქვს. “სევილიასთან” მატჩის (3:2) შემდეგ გამართულ პრესკონფერენციაზე, ჟურნალისტებმა ესპანელს სამომავლო გეგმებზე ჰკითხეს და მეკარემაც კიდევ ერთხელ დაადასტურა, რომ სეზონის ბოლოს, “კამპ ნოუს” დატოვებს.

“მე პროფესიონალი ვარ და კლუბის წინაშე ჩემს მოვალეობებს ყოველთვის პირნათლად ვასრულებ. “ბარსელონასთან” პრეტენზია არ მაქვს, მაგრამ გადაწყვეტილების შეცვლას არ ვაპირებ. მიხარია, რომ ამ სეზონსაც “კამპ ნოუზე” გავატარებ. მაისში, კატალონიას დავემშვიდობები”, - ციტირებს ვალდესის სიტყვებს Sky Sports-ი.

გასულ სატრანსფერო სეზონში, ვალდესისადმი ინტერესს “მონაკო”, პსჟ, “მანჩესტერ სიტი” და ლონდონის “არსენალი” იჩენდნენ.