“მარსელის” ლიდერმა მატიე ვალბუენამ ტრავმა მოიშუშა და ვარჯიში განაახლა.

შეგახსენებთ, რომ 29 წლის ფეხბურთელმა დეკემბრის დასაწყისში, “ლილთან” მატჩში მხარი დაიზიანა და ლაზარეთში დაახლოებით ორი თვე უნდა გაეტარებინა. La Provance-ს ცნობით, ვალბუენას გამოჯანმრთელების პროცესი დაგეგმილზე სწრაფად წარიმართა და მატიემ ძირითად ჯგუფთან ერთად ვარჯიში პარასკევს განაახლა.

ჯერჯერობით მის მოედანზე დაბრუნებაზე საუბარი ნაადრევია, მაგრამ ვარაუდობენ, რომ ეს მომდევნო კვირაში, ლიგა 1-ის მორიგ ტურში “ევიანთან” მატჩში მოხდება. ვალბუენამ საფრანგეთის ჩემპიონატის მიმდინარე სეზონის 16 მატჩში ერთი გოლი გაიტანა და სამი შედეგიანი გადაცემა გააკეთა.