დღეს საღამოს, თბილისის დროით 20.00 (თურქეთის დროით 18.00) ანკარაში გაიმართება მსოფლიო პირველობის შესარჩევი ტურნირის მატჩი თურქეთისა და საქართველოს ხელბურთელთა ნაკრებებს შორის. რასაკვირველია,მატჩის მსვლელობაზე გარკვეულ  ზეგავლენას მოახდენს ქომაგების აქტიურობაც. ამ სტრიქონების ავტორი დაუკავშირდა საქართველოს საელჩოს ანკარაში, რომლის წარმომადგენლებმა გვითხრეს, რომ დღევანდელ მატჩს დაესწრებიან საელჩოს თანამშრომლები, მათი ოჯახის წევრები და ახლობლები, აგრეთვე ანკარის რეგიონში მცხოვრები ის ქართველები, ვინც გამოეხმაურა მათ თხოვნას უქომაგონ საქართველოს ნაკრებს.

ასევე დავუკავშირდი სტამბოლში მოქმედი საზოგადოებრივი ორგანიზაციების „ქართული კულტურის ცენტრისა“ და „საქართველოსთან მეგობრობის ასოციაციის“ ერთერთ  ხელმძღვანელს ორხან ბერიძეს. მან მაცნობა, რომ სტამბოლიდან ანკარაში (450 კმ საავტომობილო ტრასით)  აპირებს ჩასვლას ადგილობრივ ქართველთა პატარა ჯგუფი, რომლებიც ანკარაში მცხოვრებ ქართველებთან ერთად უქომაგებენ საქართველოს ნაკრებს. ბერიძის მონაცემებით, საკუთრივ ანკარაში ბევრი ქართველი არ ცხოვრობს და მან ზუსტად არ იცის რამდენი ქართველი დაესწრება ჩვენი ხელბურთელთა ნაკრების ამ მატჩს.

 ორხან ბერიძემ თავის ფეისბუქის გვერდზე გამოაქვეყნა მიმართვა ქართულ და თურქულ ენებზე და მოუწოდა თურქეთში მცხოვრებ ქართველებს დაესწრონ ამ შეხვედრას და უქომაგონ საქართველოს ნაკრებს.  გთავაზობთ ამ ტექსტს:

„TÜRKİYE - GÜRCİSTAN საქართველო-თურქეთი მატჩი 

A Milli Erkek Hentbol Takımı, 2015 Erkekler Dünya Hentbol Şampiyonasında Türkiye Avrupa Elemeleri 1. grup 3. maçında Gürcistan ile karşılaşacak.
2 Ocak 2014 Perşembe günü saat 18:00'de başlayacak mücadele THF Spor Salonunda oynanacak. Karşılaşmayı Çek hakem çifti Milan Hajek, Karel Macho yönetecek.
Türkiye ve Gürcistan Hentbol Takımları 5 Ocak Pazar g…ünü saat 16:00'da Gürcistan ile deplasmanda karşılaşacak.
ADRES: Türkiye Hentbol Federasyonu Spor Salonu Kompleksi haritası, Yıldızevler Mh. Çankaya- ANKARA“

2 იანვარს ანკარაში 18-00 საათზე თურქეთის დროით დაიწყება ხელბურთში მსოფლიო ჩემპიონატის შესარჩევი ტურნირის მატჩი საქართველოს და თურქეთის ნაკრებებს შორის, THF დარბაზში (THF Spor Salonu). თუ გყავთ ანკარაში ახლობლებ-ნაცნობები ,შეატყობინეთ და თხოვეთ, რომ უქომაგონ საქართველოს ნაკრებს.
მისამართი: Türkiye Hentbol Federasyonu Spor Salonu Kompleksi haritası, Yıldızevler Mh. Çankaya ანკარა“.

იმედია, ამ შეხვედრაზე მოსული ქართველობა აქტიურად უქომაგებს ჩვენს ნაკრებს.

მე კი სამწუხაროდ ვერ მოვახერხე ჩასვლა ანკარაში,რათა ჩემი ეკიპირებით, მეგაფონითა და საყვირით მხარი დავუჭირო ჩვენს ნაკრებს, თუმცა იმედია, რომ  ჩვენი ნაკრები ღირსეულად ითამაშებს და გაგვახარებს. 

თენგიზ პაჭკორია, სპეციალურად www.worldsport.ge